Geschichten vertellt op Platt

De Corona-Upsatz

Dat wör eene schlimme Tiet mit dat Corona-Virus. Keene Fründe, keene School, keen Football, un gans väl Langewiel. Nu dröft wi wedder no Schoole, aver Corona luert öberall. Wi möt vörsichtig wäden. Also ik meen, för een China-Produkt holt sik Corona doch temlich lange.
In de Aftheken wören de Thermometer knapp, weil de Lüe Feeber mäten woll’n. Min’ bester Fründ köm up eene Idee: Wer bi Feeber-Verdacht keen Thermometer hett, kann sik enfach dree dröge Maiskörner innen Achters ten stäken. Dormit kriggt man jümmer genauere Daten, as wenn man inne Achselhöhlen mäten deit. Schöll’n nu aver statt de Maiskörner Popcorn ut’n Mors ruutkaumen, mutt man flink den Krankenwogen ropen.

As de Schoolen so lange schloten wör’n, kreeg ik den Verdacht, dat mine Öllern noch vör de Forschers eenen Impfstoff fertig kriegen dö’n. Se harr’n dat am Schworsten mit us veer Kinner inne Mietwohnung. Dat wör jümmer eene lude Quengelee. Mine groode Schwester hett veer Corona-Kilos up de Rippen krägen. Ik glöve jo, dat Corona us alle no Huus schickt hett, dormit wi mol nodenken schöll’n, wat wi mit use Ümwelt anstellt hebbt. De Klopapeerkrise hett us klor mokt, dat dat väl mehr Orschlöker givt, as wi dachten. Dat Wichtigste is nu, Hännewaschen, in de Armbeuge pruschen un Snutenpullis antehn. Schöll mol een anneret Virus upduuken, kennt wi jo all dat Hännewaschen, un keen een meckert mehr.

Corona hett in poor Wäken schafft, wat Politiker in Johren nich backt krägen hebbt, nämlich Fortschritte innen Klimawandel. Mine Erkenntnis ut de Coronakrise: Wenn mine Fohrradklingel kaputt is, hölpt ludet Hosten, un ik hebb jümmer free Fohrt. Wi alle schöll’n us nich mit Luxus-Problemen rümschlon, sonnern möt doran denken, wat würklich för alle Minschen wichtig is: Familje, Fründe, Gesundheit, een Daak öbern Kopp un genog to äten. Och jo, un notürlich Klopopier! (ah)

Jens-Uwe Wallmann, Klasse 6

Mehr lesen?   In unserem Landleben Blog finden Sie Themen aus dem Magazin und viele weitere Beiträge hier aus der Region.